Johann het in die Verre Noord Transvaal grootgeword en is in sy hart steeds `n liefhebber van die ongeskonde veld. In sy jongmens jare het sy sang nie baie aandag gekry nie buiten `n paar keer wat hy in die kerk opgetree het. As lid van `n baie musikale gesin het hy egter `n liefde en waardering vir musiek ontwikkel. Vir hom was die sing in die motor as hy langpad ry genoeg ontvlugting, veral as die lewe gedruk het.

`n Vriend het einde 2005 hom hoor sing en dadelik voorgestel dat hy werk maak van sy talent. Johann se stem het `n volwassenheid ontwikkel wat hom plaas in `n klas waar hy met van ons top tenore kan skouers vryf.

Hy sing hoofsaaklik ligte Afrikaanse en Engelse liedjies en is veral lief vir die musiek uit die veertiger tot sestiger jare. Sy vol ronde stem voer jou mee en jy moet keer of jy begin saam sing. Hy se dat wanneer hy optree dit vir hom baie lekker is as die gehoor saamsing en so sy musiek met hom deel.

'n Paar van die nommers in sy repertoire is:

Words Liefling The wonder of you She Have I told you lately that I love you Let it be me She`s a woman The wedding My friend the wind My prayer Twilight time You’ll never walk alone The Lords Prayer Whispering hope

Love story Unchained melody Bachelor Boy The last Waltz He’ll have to go Where the girls are Moonriver Can’t help falling in love with you I Believe Green Green Grass of Home Yesterday Walk away Let me be there Exodus.