Elke dag stel eise aan die liggaam wat aan elkeen van ons geleen is vir die tydjie wat ons gegun word op aarde. Soveel mense se ligame gee hulle soveel pyn en hartseer. Hulle word beperk deur disfunksies en gebreke wat basiese daaglikse funksionering moeilik maak.
Dit is dan wat Stof kom en in dankbaarheid kan getuig dat hy geseën is met 'n liggaam wat gesond genoeg is om elke dag te kan doen wat Pa van hom vereis.
Stof tel graag sy seëninge. Hy kan vandag hier getuig dat sy Skepper elke dag so getrou voorsien in liggaamlike gesondheid. En daarvoor, kan Stof Hom net loof!
